Arrestohet i riu që kërcënoi të dashurën

Një tjetër rast dhune në familje është raportuar mbrëmjen e sotme në Gjakovë, ku një 27-vjeçar është arrestuar pasi dyshohet se ka kërcënuar dhe shqetësuar vazhdimisht të dashurën e tij, raporton Sinjali.

Ngjarja ka ndodhur më 15 tetor 2025, rreth orës 01:00, në rrugën “Martirët Çaka” në Gjakovë, kur V. N., rreth 23-vjeçare ka raportuar se i dashuri i saj, Agon Krasniqi, rreth 27-vjeçar, e ka kanosur dhe shqetësuar në mënyrë të përsëritur.

Sipas deklarimeve të viktimës, i dyshuari i kishte shkuar në banesë dhe e kishte kërcënuar verbalisht, duke shkaktuar frikë dhe shqetësim të vazhdueshëm.

Viktima ka refuzuar të marrë trajtim mjekësor dhe nuk ka pranuar strehim, duke u kthyer me dëshirën e saj në banesë.

Me urdhër të Prokurorit, Agon Krasniqi është ndaluar për 48 orë, ndërsa do të vazhdojnë hetimet.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.