Humb jetën motoristi, përplaset me kombi (VIDEO)

Një person ka mbetur i vdekur në një aksident trafiku nga përplasja e një kombi dhe motoçiklete në rrugën “Beteja e Loxhës” në Pejë.

22-vjeçari me inicialet A.Z. u dërgua në spitalin e qytetit, por, sipas mjekëve, ishte pa shenja jete. Familjarët që hapën dyert për të pame nuk ishin në gjendje të deklaroheshin para kamerës.

I njëjti ishte i fejuar dhe për pak kohë planifikonte martesën. Ndërkohë shoferi i automjetit dyshohet për veprën “Rrezikimi i trafikut publik me pasoja fatale”.

Trupi i pajetë i viktimës është dërguar në Institutin e Mjekësisë Ligjore për obduksion.