“Një Kuran dhuratë për ty” sot në sheshin e Prishtinës

“Përkujtuesi Ditor” ka realizuar sot një aktivitet në sheshin e Prishtinës.

Më poshtë postimi i faqes “Përkujtuesi Ditor”:

Kampanja “Një Kuran dhuratë për ty” sot në sheshin e Prishtinës

Sot kjo kampanjë “Një Kuran dhuratë për ty” u shtri me sukses në zemër të Prishtinës – në sheshin kryesor të qytetit. Pranueshmëria nga qytetarët ishte jashtëzakonisht e kënaqshme dhe inkurajuese.

Ky angazhim synon të shpërndajë mesazhin e paqes, dashurisë dhe udhëzimit që përmban Libri i Shenjtë – Kurani, duke e ofruar atë si një dhuratë për këdo që dëshiron ta njohë më nga afër. Falënderojmë të gjithë ata që iu afruan nismës sonë me interes, respekt dhe mirëkuptim.

Kampanja do të vazhdojë edhe në ditët në vijim, me shpresën që sa më shumë njerëz të kenë mundësinë të marrin në dorë një kopje të Kuranit dhe të njihen me vlerat që ai përçon.