Ekskluzive: A kanë filluar negociatat VV dhe LDK?

Nuk ka negociata mes Lidhjes Demokratike të Kosovës dhe Lëvizjes Vetëvendosje!

Kështu bëri të ditur deputeti nga radhët e LDK-së, Lutfi Haziri, në emisionin “DPT te Fidani” në Klan Kosova.

Ai tha se ndonëse mund të ketë pasur takime të veçanta të përfaqësuesve të partive, siç ndodhi në Vushtrri dhe u raportua në media, ato janë të izoluara, dhe nuk reflektojnë asnjë vendim për bashkëpunim, transmeton Klankosova.tv

“Nuk ka, po flas edhe për vete edhe në emër të Lumir Abdixhikut, i cili është kryetar i LDK-së, nuk ka bisedime. Krejt tjerat janë në nivel spekulativ. A ka pasur kontakte sikur këto që po ndodhin tash në nivele të caktuara të përfaqësuesve veprimtar, mund të ketë takime që kanë dalë edhe nëpër media, ajo që ndodhi në Vushtrri, ato janë të izoluar, është e izolueme krejt si rast edhe mos t’i kthehemi këtij tregimi. Gjithçka tjetër që quhet vendim ose qëndrim për bisedime në ndërtim të institucioneve ende vlen dhe është në fuqi, qëndrimi zyrtar i LDK-së, si përgjigjej në letrën e z.Kurtit, LDK nuk është e interesuar për shkak të arsyeve politike që i ka dhënë publikisht, për të pranuar një ofertë, një bashkëpunim i cili çon në ndërtim të institucioneve sipas rezultateve të 9 shkurtit”. /Klankosova.tv