Arrestohet 32 vjeçari për ngacmimin e një të miture

Një ngjarje shqetësuese është regjistruar të mërkurën pasdite në Gjilan, ku një vajzë e mitur 15-vjeçare është bërë viktimë e ngacmimit nga një burrë 32-vjeçar.

Sipas informacioneve të para, rasti është denoncuar nga babai i vajzës, i cili ka njoftuar Policinë se personi i dyshuar po e shqetësonte vajzën e tij përmes telefonit, duke i dërguar mesazhe me përmbajtje presionuese.

Menjëherë pas raportimit, Policia ka ndërmarrë veprimet e nevojshme, duke e intervistuar të dyshuarin në prani të avokatit mbrojtës. Me urdhër të Prokurorit të Shtetit, është iniciuar rasti “Ngacmim”, ndërsa i dyshuari është ndaluar për 48 orë.

Rasti i është dorëzuar Njësisë për Hetimin e Krimeve për procedura të mëtutjeshme hetimore, ndërsa hetimet vazhdojnë.