Kjo është gjendja shëndetësore e punëtorit që u rrëzua nga kati i 6-të

Një incident i rëndë ka ndodhur në Gjilan, ku një punëtor ka pësuar lëndime të rënda trupore pasi dyshohet se ka rënë aksidentalisht nga kati i gjashtë i një objekti ndërtimor ku po punonte, raporton Gazeta Sinjali.

Lajmin e konfirmoi për Sinjalin, zëdhënësi i Policisë për rajonin e Gjilanit, Ismet Hashani, i cili bëri të ditur se rasti ka ndodhur në orët e pasdites të së premtes.

Siç njoftoi Policia, punëtori është nga fshati Kabash i Komunës së Vitisë dhe në momentin e incidentit kishte qenë duke kryer punë ndërtimore në objektin në fjalë. Pas trajtimin në Spitalin e Gjilanit, ai është dërguar në QKUK.

Sinjali ka kontaktuar me drejtorin e Emergjencës në Prishtinë, Naser Syla, i cili tha se pacienti është në “mjekim intenziv duke u trajtuar”.