Ky është personi që humbi jetën në aksidentin tragjik në autostradën “Ibrahim Rugova”
Një aksident i rëndë trafiku me pasoja fatale ka ndodhur pasditen e së shtunës në autostradën “Ibrahim Rugova”, në segmentin Veternik – Bresje.
Sipas burimeve të besueshme nga emergjenca, rreth orës 16:41 të datës 25 tetor 2025, janë përfshirë në përplasje dy automjete, një kamion i markës “Mercedes”, me drejtues Elmi Murtezi rreth 59-vjeçar nga fshati Shtrubullovë – Gllogoc dhe një veturë Mercedes, me drejtues Herolind Restelica rreth 26-vjeçar nga fshati Pomozotin – Fushë Kosovë.
Në vendngjarje kanë dalë menjëherë njësitë patrulluese, hetuesit e trafikut, njësiti i zjarrfikësve dhe autoambulanca e Fushë Kosovës. Pavarësisht përpjekjeve të ekipeve emergjente, mjeku kujdestar ka konstatuar vdekjen e vozitësit Herolind Restelica në vendin e ngjarjes.
Me urdhër të Prokurorit të Shtetit, trupi i pajetë është dërguar në IML për obduksion, ndërsa hetimet po vazhdojnë për të përcaktuar shkaqet dhe rrethanat e sakta të aksidentit tragjik.
