Gruaja raporton se u dhunua në shtëpinë e saj
Një rast i rëndë është raportuar në Lipjan, ku një grua ka njoftuar Policinë se është dhunuar seksualisht në shtëpinë e saj, mëson Sinjali.
Sipas burimeve të besueshme, më 26 tetor rreth orës 13:25, viktima është paraqitur në Stacionin Policor të Lipjanit dhe ka deklaruar se një ditë më parë, më 25 tetor rreth orës 17:00, ishte dhunuar nga një person që e njihte, i identifikuar si A. S rreth 65-vjeçar.
Njësia e hetimeve rajonale ka ndërmarrë menjëherë veprimet procedurale, ka intervistuar viktimën dhe ka bërë kërkesë për ekzaminim gjinekologjik.
I dyshuari deri më tani nuk është arritur të sigurohet nga Policia, ndërsa kërkimet për kapjen e tij po vazhdojnë.
Me urdhër të Prokurorit të Shtetit, rasti është iniciuar si “Dhunim”, dhe hetimet janë në zhvillim.
