Xhuli aksidentohet në Slloveni, kjo është gjendja e saj

Influencerja shqiptare Xhuli Nura ka kaluar momente të vështira pasi është përfshirë në një aksident trafiku në Slloveni, teksa ishte në rrugë për në Zvicër, shkruan Raporto24.

Ngjarjen e ka bërë publike vetë ajo përmes një postimi në rrjetet sociale, ku ka treguar se ndonëse makina e saj ka pësuar dëme materiale, ajo vetë ka dalë e padëmtuar.

“Fatmirësisht jam mirë, vetëm disa dëme materiale,” ka treguar Nura, duke falënderuar ndjekësit për shqetësimin dhe mbështetjen e treguar pas ngjarjes.

Pas incidentit, influencerja ka vazhduar udhëtimin e saj drejt Zvicrës, ndërsa ka theksuar se ndjehet me fat që gjithçka ka përfunduar pa pasoja shëndetësore.