A do të kandidohet Konjufca për kryeministër?

Të dielën, Qeveria Kurti 3 nuk mori votat e mjaftueshme në Kuvendin e Kosovës, pasi nga 120 deputetë, Kurti mori vetëm 56 vota.

Sot gjatë ditës në media u raportua që Lëvizja Vetëvendosje ka filluar mbledhjen e nënshkrimeve për të tentuar sërish zgjedhjen e kryeministrit të Kosovës.

Ende nuk dihet emri i mandatarit, pasi brenda VV-së ka raportime që Glauk Konjufca do të jetë mandatar për formimin e Qeverisë.

Mbetet të shihet nëse një gjë e tillë është e vërtetë, ose Kurti do të tentojë sërish, para se vendi të shkojë në zgjedhje të jashtëzakonshme.