Tronditet Shqipëria, 3 të vrarë brenda ditës

Katër ngjarje të rënda kanë tronditur Shqipërinë paraditen e sotme.

Në Shkodër, një shpërthim me tritol plagosi rëndë 38-vjeçarin Enea Busukja, punonjës i Tatimeve. Sasia e eksplozivit ishte vendosur në makinën e tij të parkuar dhe shpërtheu sapo ai e ndezi automjetin në lagjen “Ndoc Mazi”. Pas ngjarjes, policia gjeti në fshatin Dragoç një makinë të djegur, që dyshohet se u përdor nga autorët për t’u larguar. Grupi hetimor po punon për identifikimin e tyre.

Ndërkohë, në Durrës, një krim në familje ka përfunduar tragjikisht. 25-vjeçari Marjan Kodheli vrau me thikë babanë e tij, Pjetër Kodheli, në banesën e tyre në zonën e Shkallnurit. Pas krimit, i riu u arratis, por u arrestua disa orë më vonë nga policia. Paraprakisht dyshohet se ai vuante nga probleme të shëndetit mendor.

Në Berat, pas një konflikti për motive të dobëta sipas policisë, në lagjen e Kalasë, shtetasi Kristo Mema alias Kastriot Hoxha, 63 vjeç, banues në lagjen “Barrikadë”, Berat, ka goditur me mjet prerës shtetasin Keli Hoxha., 42 vjeç, banues në Tiranë, i cili ka humbur jetën.

Shërbimet e Policisë janë vënë në ndjekje të autorit dhe po kontrollojnë zonën për kapjen e tij.

Grupi hetimor vijon punën për përcaktimin e rrethanave dhe dokumentimin e plotë të ngjarjes.