30 ditë paraburgim për Beqë Shalën

Një ngjarje e rëndë ka shoqëruar sistemin e drejtësisë në vend. Një prokuror nga Prokuroria Themelore në Prizren është arrestuar në orët e para të mëngjesit të 27 tetorit, pas një aksioni të realizuar nga Policia e Kosovës me urdhër të Prokurorisë Speciale të Republikës së Kosovës, mëson Gazeta Sinjali.

Siç raportoi Sinjali, i arrestuari është Beqë Shala, prokuror në Departamentin e Përgjithshëm të Prokurorisë në Prizren. Ai dyshohet për marrje ryshfeti dhe keqpërdorim të pozitës apo autoritetit zyrtar.

Lidhur me këtë, Sinjali mëson se të njëjtit i është caktuar masa e paraburgimit prej 30 ditësh.

Po ashtu, gjatë ditës së sotme, KPK ka pezulluar përkohësisht nga detyra Shalën, një ditë pas arrestimit të tij.