Dhuna në shkollë – Nxënësit vepruan si në TikTok

Duke tentuar të imitojnë një veprim viral të ditëve të fundit në rrjetin social “Tik-tok”, filloristët e shkollës së mesme të ulët, “Shkëndija” në Hajvali, hodhën karrige mbi banka, të premten.

Shokët e tyre pranojnë se rrezikuan të lëndoheshin, teksa shtojnë se inventari u dëmtua, raporton Klan Kosova.

Drejtoresha e këtij institucioni arsimor, Minire Berisha mohoi të ketë ndodhur diçka e tillë.

Por, krejt të kundërtën e thotë drejtori Komunal i Arsimit, Samir Shahini sipas të cilit edhe kanë nisur procedurat ndëshkimore.

Ky pohon se gjithçka që dëmtohet brenda institucioneve arsimore nga fëmijët, pasojat do t’i bartin prindërit e tyre.

Ndaj nxënësve problematikë, masat që u morën do të hynë në fuqi kur të kthehen nga pushimi vjeshtor të hënën. /Klankosova.tv