Fisnik Asllani, historia e suksesshme e një dardani që po mahnit Gjermaninë
Nga rrënjët e familjes së tij në fshatin Sharban të Prishtinës, deri te dritat e stadiumeve gjermane, rrugëtimi i Fisnik Asllanit është frymëzim për çdo të ri kosovar.
I lindur në Berlin, Asllani vendosi në dhjetor të vitit 2023 të ndjekë zemrën dhe të luajë për Kombëtaren e Kosovës.
Pas një sezoni fantastik me Elversberg në Bundesliga 2, sulmuesi 23-vjeçar u rikthye tek Hoffenheim, ku po shkëlqen në Bundesliga.
Me 8 paraqitje, 5 gola dhe 1 asistim, ai është bërë një nga lojtarët më efikas të skuadrës.
Performanca e tij nuk ka kaluar pa u vënë re: Bayern Munich, Barcelona, Chelsea dhe klube të tjera evropiane tashmë kanë shfaqur interesim për “dardanin” e talentuar.
