Raportohet se Ramiz Lladrovci po planifikon të krijojë parti të re për zgjedhjet nacionale
Partia Demokratike e Kosovës pritet të përballet me një krizë në prag të zgjedhjeve të reja parlamentare. Anëtari i kësaj partie, Ramiz Lladrovci thuhet se është në prag të formimit të një partie të re politike për zgjedhjet e ardhshme që pritet të mbahen brenda këtij viti.
Lladrovci, kryetar i Komunës së Drenasit, tashmë duket se i ka ndarë rrugët përfundimisht me partinë e tij, PDK.
Ai pritet të garojë në zgjedhjet e ardhshme parlamentare me listën e tij të re, ku thuhet se janë të përfshirë emra të njohur të skenës politike dhe ushtarake.
Lladrovci thuhet se ka premtuar se në rast të dorëheqjes së Krasniqit, emrat e listës së tij do t’i bashkohen PDK-së.
Në garë me kandidatin e PDK-së, Lladrovci kishte dalë triumfues qysh në raundin e parë zgjedhor me listën e tij “Për Drenasin Kampion me Ramiz Lladrovcin”.
Nga fitorja e 12 tetorit, Lladrovci kishte paralajmëruar vazhdimisht Partinë Demokratike për “pasojat” e mos kandidatimit të tij në Drenas.
Së fundmi në profilin e tij, Lladrovci kishte shkruar se “Drenasi do t’ju dalë kapuç me mangë”.
