Lidhet marrëveshja, PDK përcaktohet për garën e Gjilanit

Lidhja Demokratike e Kosovës dhe Partia Demokratike e Kosovës kanë lidhur marrëveshje për bashkëqeverisje para raundit të dytë të zgjedhjeve lokale në Gjilan.

Marrëveshja e koalicionit mes dy partive është lidhur të premten, ka bërë të ditur kandidati i LDK-së për kryetar të Gjilanit, Arbër Ismajli.

“Sot nënshkruam një marrëveshje politike për bashkëpunim dhe qeverisje të përgjegjshme në Gjilan, që reflekton vullnetin e qytetarëve për unitet, profesionalizëm dhe mirëqenie.
Ky është një hap i rëndësishëm drejt krijimit të një qeverisjeje që bashkon, që punon me transparencë dhe që vendos interesin publik mbi gjithçka”, tha Ismajli në një postim në Facebook.

Marrëveshja mban edhe nënshkrimin e Lutfi Hazirit, kryetarit të Degës së LDK-së në Gjilan.