Kurti i kërkon takim të ri Osmanit, planifikon të kërkojë një shans të dytë
Presidentja Vjosa Osmani tha se kryeministri në detyrë Albin Kurti i ka kërkuar një takim të ri lidhur me propozimin për mandatarin e dytë për formimin e qeverisë së re.
Osmani, në një konferencë për media pas përfundimit të takimit me liderët politikë, tha se Kurti mund të propozojë mandatarin e dytë.
“Shpresa ishte që mund të ketë reflektim nga partitë në rast se nuk ka mandatar të dytë. Po e them në rast se, për shkak se kryetari i LVV-së, njëkohësisht kryeministri në detyrë, ka kërkuar që të më takoj edhe njëherë para se të përfundojë afati 10 ditor dhe pas përfundimit të konsultimeve brenda partisë politike që e përfaqëson do të vijë me propozim apo jo, është çështje e tyre. Mirëpo, ne e kemi detyrim kushtetues që t’i respektojmë ato afate”, tha Osmani.
Pastaj, sipas Osmanit, nëse ka propozim për mandatar të ri “atëherë hynë në shprehje dispozita të reja kushtetuese dhe afate të reja”.
