Rrahje e rëndë për bagëti

Një rrahje e rëndë ka ndodhur pasditen e djeshme në rrugën “Lidhja e Lezhës” në Vushtrri, ku pesë persona janë përfshirë në një përleshje fizike pas një mosmarrëveshjeje rreth bagëtive.

Sipas burimeve të afërta me hetimet, ngjarja është regjistruar më 31 tetor 2025, rreth orës 16:50.

Si pasojë e përleshjes, dy persona kanë kërkuar ndihmë mjekësore, ndërsa njëri prej tyre ka pësuar frakturë në këmbë dhe po trajtohet në spital.

Në vendngjarje kanë dalë njësitë policore dhe pas veprimeve hetimore janë intervistuar të gjithë të përfshirët. Në konsultim me Prokurorin e Shtetit, është vendosur që ndaj njërit të dyshuar të iniciohet rasti “Lëndim i rëndë trupor”, ndaj një tjetri “Lëndim i lehtë trupor me mjet të prehtë”, të cilët janë ndaluar për 48 orë, ndërsa për tre personat e tjerë, përfshirë edhe atë që po trajtohet në spital, është inicuar rasti “Pjesëmarrje në rrahje” dhe ata janë liruar në procedurë të rregullt.

Rasti është referuar Njësisë së Hetimeve për procedura të mëtejshme.