Ekskluzive: Këta janë 5 personat që u rrahën për bagëti

Një rrahje e rëndë ka ndodhur pasditen e djeshme në rrugën “Lidhja e Lezhës” në Vushtrri, ku pesë persona janë përfshirë në një përleshje fizike pas një mosmarrëveshjeje rreth bagëtive.

Burime të besueshme nga strukturat e afërta me hetimin bëjnë me dije se ngjarja është regjistruar më 31 tetor 2025, rreth orës 16:50, në të cilën janë përfshirë: Erdin Hama rreth 29-vjeçar, Benjamin Musliu rreth 22-vjeçar, Abdurrahman Hama rreth 65-vjeçar, Hamza Musliu rreth 42-vjeçar dhe Besim Musliu rreth 45-vjeçar.

Si pasojë e përleshjes, dy prej tyre kanë kërkuar ndihmë mjekësore, ndërsa njëri ka pësuar frakturë në këmbë dhe po trajtohet në spital. Në vendngjarje kanë dalë njësitë policore dhe pas veprimeve hetimore janë intervistuar të gjithë personat e përfshirë.

Në konsultim me Prokurorin e Shtetit, është vendosur që:
ndaj njërit të dyshuar të iniciohet rasti “Lëndim i rëndë trupor”,
ndaj një tjetri “Lëndim i lehtë trupor me mjet të prehtë”,
të cilët janë ndaluar për 48 orë,
ndërsa për tre të tjerët, përfshirë edhe personin që po trajtohet në spital, është inicuar rasti “Pjesëmarrje në rrahje” dhe ata janë liruar në procedurë të rregullt.

Rasti është referuar Njësisë së Hetimeve për procedura të mëtejshme.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.