Kështu ndodhi vrasja që tronditi Kosovën para pak minutash

Një ngjarje tragjike ka ndodhur sot në fshatin Gullbovc të Malishevës, ku dy persona, vëllezër mes vete, kanë mbetur të vrarë pas një konflikti që dyshohet të ketë pasur motive familjare, raporton PodujevaSot.

Sipas burimeve të sigurta, viktimat janë qëlluar me armë zjarri para shtëpisë së tyre nga një person që ndodhet ende në arrati. Njëri nga vëllezërit ka ndërruar jetë në vend, ndërsa tjetri gjatë transportimit për në spital.

Hetimet e para tregojnë se ngjarja ka ndodhur pasi i dyshuari kishte shkuar në shtëpinë e viktimave për të marrë gruan e tij dhe, pas një përplasjeje verbale, është kthyer dhe ka hapur zjarr.

Policia dhe Prokuroria ndodhen në vendngjarje, ndërsa trupat e viktimave janë dërguar për obduksion. Njësitë policore po zhvillojnë operacione intensive për kapjen e të dyshuarit.

Hetimet vazhdojnë për zbardhjen e plotë të rastit.