Përleshje mes komisionerëve, ndërhyn Policia
Një incident ka ndodhur sot në një nga qendrat e votimit në fshatin Korishë të Prizrenit, ku dy komisionerë janë përfshirë në një përleshje fizike.
Sipas kryeprokurorit të Prokurorisë së Prizrenit, Petrit Kryeziu, për TV Prizrenin, përleshja ka ndodhur jashtë hapësirave të vendvotimit, ndërsa njëri prej komisionerëve dyshohet se ka sulmuar tjetrin.
Autoritetet ligjzbatuese kanë ndërhyrë menjëherë në vendin e ngjarjes, ku të dy personat janë shoqëruar në Polici. Raportohet se incidenti nisi pas një zënke verbale ndërmjet komisionerëve.
Aktualisht, të dy të dyshuarit janë duke u marrë në pyetje nga organet kompetente për të sqaruar rrethanat e incidentit.
