Abdixhiku shpall fitoren në pesë komuna: Sonte fitoi zhvillimi e puna jo arroganca e frika

Kryetari i LDK-së, Lumir Abdixhiku në konferencën për media ka shpallur fitoren në pesë komuna në balotazhin e 9 nëntorit.

Ai përkrah Përparim Ramës ka thënë se sonte ka fituar puna e zhvillimi karshi frikës e propagandës.

“Kemi fituar sepse qytetari I Kosovës e kuptoi qartë dallimin mes punës, dinjitetit dhe arrogancës. Sot LDK-ja shpall fitoren në Prishtinë. Përparim Rama është kryetar I Prishtinës edhe për katër vjet”, ka thënë Abdixhiku.

“Kemi fituar në Prishtinë, prandaj i ftoj qytetarët e Prishtinës në festën e madhe të kryeqytetit sonte nga ora 21:30. Kjo fitore nuk është vetëm e LDK-së, por edhe e qytetarit që kërkon dinjitet në jetën publike, e njerëzve që e duan zhvillimin e jo propagandën, që e duan shpresën e jo frikën. Jemi krenarë të gjithë në LDK”, ka thënë ai.

“Sonte në konferencë për media shpallim fitoren në Pejë, Viti, Dragash, Junik. Sonte LDK-ja fitoi në pesë komuna”, ka thënë ai.