LAJMI I FUNDIT: Arrestohet një kosovar në Gjermani

Hetuesit doganorë nga Hanoveri kanë konfiskuar rreth 60 kilogramë marihuanë me një vlerë shitjeje në rrugë prej rreth 600 mijë eurosh dhe kanë arrestuar një 35-vjeçar kosovar dhe një 41-vjeçar turk si të dyshuar, raporton KosovaPress.

Në fund të javës së kaluar, oficerët zbuluan drogën në një dërgesë mallrash nga Spanja në Bremen, tha zyra e hetimit doganor.

Droga ishte e paketuar në disa kuti, pakot ishin deklaruar si produkte industriale. Në rrethin Woltmershausen të Bremenit, task-forcat arrestuan të premten dy të dyshuar për kontrabandë droge.

Në të njëjtën kohë, oficerët kontrolluan tri apartamente në Bremen dhe sekuestruan “prova të shumta” që, sipas doganave, tregojnë se dy burrat po tregtonin kanabis.

Hetimet po kryhen nga Zyra e Hetimit Doganor të Hanoverit nën drejtimin e Zyrës së Prokurorit Publik të Bremenit.

Ndryshe, Zyra e hetimit doganor të Hanoverit sivjet ka sekuestruar më shumë se 800 kilogramë kanabis.