Ndalet rinumërimi në Mitrovicë, Prokuroria në aksion

Është ndërprerë procesi i numërimit të votave në Qendrën e Numërimit dhe Rezultateve në Mitrovicë të Jugut. Nacionale ka kuptuar se numërimi ështe ndalur me urdhër të Prokurorisë. Gazeta Nacionale provuar të marrë një përgjigje nga Prokuroria, në lidhje me këtë por deri në publikimin e këtij artikulli, organi i ndjekjes ka qenë i paqasshëm.

Përditësim: Nacionale ka siguruar fotografi të prezencës së prokurorisë.

Në një video të dërguar në redaksinë e Gazetës Nacionale, shihen fletëvotimet problematike, aty ku sipas punonjësve, nuk përputhet numri serik. Pra, ka pasur deri në mbi 20 fletëvotime që nuk janë përputhur. Konkretisht, s’është përputhur numri serik me qendrën e votimit.

Ajo që bie në sy, nga balotazhi i mbajtur dje, është se në Komunat e Kosovës, dalja në balotazh nuk ka qenë as e njejtë e as më e madhe se sa në raundin e parë, përveç Mitrovicës. Në Mitrovicën e Jugut, në raundin e dytë, del se kanë ‘votuar’ më shumë qytetarë anipse veç dy garues, se sa në raundin e parë ku morën pjesë të gjitha partitë.