Gazetta Dello Sport fut Rrahmanin në 11-shen e Jugosllavisë, nëse do ekzistonte ende

Gjatë gjithë historisë së Kupave të Botës, Jugosllavia ishte gjithmonë në qendër të vëmendjes. Me talente të mëdha, skuadra ballkanike garoi me këtë emër deri në Kupën e Botës 1990 në Itali , një turne në të cilin ata u ndeshën me Kombëtaren Argjentinase të Diego Maradonës dhe përfunduan në vendin e pestë. Më vonë, një luftë civile përfundoi me ndarjen e vendit dhe lindjen e kombeve që sot konkurrojnë veçmas: Serbia, Kroacia, Bosnje-Hercegovina, Sllovenia, Maqedonia e Veriut, Mali i Zi dhe Kosova.

Pak ditë para fillimit të Kupës së Botës Katar 2022 , vetëm Serbia dhe Kroacia po përgatiten të marrin pjesë në Kupën e Botës.

Megjithatë, mediumi italian, Gazetta Dello Sport, ka hartuar një listë të lojtarëve nga vendet e ish-Jugosllavisë, në atë se si do të dukej formacioni tani, pak ditë para fillimit të Kupës Botërore Katar 2022, ku i vetmi nga Kosova në formacionin startues është përzgjedhur qendërmbrojtësi Amir Rrahamani.

“Kosova do të kishte hapësirën e saj edhe me shtyllën e mbrojtjes së Napolit. Fillimisht në Hellas Verona dhe më pas në Napoli, Rrahmani ishte protagonist si në Itali ashtu edhe në Evropë. Zbarkimi në Botëror do të ishte qershia mbi tortën e karrierës së tij”, ka shkruar Gazetta Dello Sport, për Rrahmanin, transmeton Klankosova.tv.

Më poshtë mund të shiheni 11-shen startuese të përzgjedhur nga gazeta prestigjioze.

Portier, Jan Oblak (Slloveni)