LAJMI I FUNDIT: Alarm për bombë në shkollë

Policia e Kosovës ka pranuar një alarm për bombë në shkollën “Daut Bogujevci” në Bresje të Fushë Kosovës.

Lajmin për Reporteri.net e ka konfirmuar zëdhënësja e Policisë për Rajonin e Prishtinës, Flora Ahmeti.

Ajo tha se po ndërmerren veprimet hetimore për të menaxhuar situatën.

“Rreth orës 14:30 është pranuar një informatë për dyshimet që ndërlidhen me një shpërthim të mundshëm në një shkollë në Bresje të Fushë Kosovës. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë Ahmeti./Reporteri.net