Shoqërohet në polici u.d. i Drejtorit të Përgjithshëm të RTK-së

Ushtruesi i Detyrës së Drejtorit të Përgjithshëm të Radio Televizionit të Kosovës (RTK), Hysen Hunodzi është shoqëruar të enjten në Policinë e Kosovës, raporton Paparaci.

Paparaci merr vesh se Hundozi është shoqëruar në polici pas një konflikti verbal me Drejtorin e televizionit të RTK-së, Rilind Gërvalla.

Të njëjtat burime pohojnë se arsyeja e konfliktit mes drejtorëve Hundozi-Gërvalla, ishte zyra e drejtorit.

Mandati i Hundozit kishte përfunduar më 31 tetor, ndërsa i njëjti sipas burimeve kishte vazhduar të qëndrojë në zyrën e tij.

Sipas ligjit për RTK-në, me rastin e skadimit të mandatit të drejtorit të përgjithshëm të transmetuesit publik, kompetencat i kalojnë drejtorit të televizionit – Rilind Gërvallës.

Periskopi kishte raportuar më herët për një aksion të Policisë në ambientet e televizionit publik.

Sipas raportimit, aksioni po zhvillohej për disa dokumente.