Rama dorëzon kallzim penal ndaj Muratit: Shihemi në Prokurori
Kryetari i rizgjedhur i Prishtinës, Përparim Rama gjatë ditës së sotme ka dorëzuar kallëzim penal në Prokurori Hekuran Muratit.
Rama e bëri të ditur këtë vetë përmes një postimi duke uruar që përgjigja e Muratit ndaj institucioneve të drejtësisë të jetë më e përgjegjshme sesa ajo Kurtit, që ka një vit që nuk i përgjigjen thirrjeve zyrtare të prokurorisë, sipas tij.
“Sinqerisht shpresoj që përgjigja jote ndaj institucioneve të drejtësisë të jetë më e përgjegjshme sesa ajo e kryetarit tënd të partisë, që ka një vit që nuk i përgjigjen thirrjeve zyrtare të prokurorisë! Kjo e tregon mjaft mirë se si e trajtoni ju shtetin dhe qytetarët!”, shkroi ai.
Këtë e ka bërë publike vetë ai.
Postimi:
Hekuran Murati, shihemi në Prokurori!
Sinqerisht shpresoj që përgjigja jote ndaj institucioneve të drejtësisë të jetë më e përgjegjshme sesa ajo e kryetarit tënd të partisë, që ka një vit që nuk i përgjigjen thirrjeve zyrtare të prokurorisë!
Kjo e tregon mjaft mirë se si e trajtoni ju shtetin dhe qytetarët!
Hekuran, punëtorët dhe qytetarët e Kryeqytetit nuk duhet të mbesin pa paga e pa shërbime, vetëm sepse ju keni zgjedhur t’i përdorni për të shantazhuar opozitën!
Ju garantoj që ne do t’i përdorim të gjitha mjetet ligjore për të mbrojtur të drejtën e tyre!
