6 të vdekur e 15 të lënduar nga përplasja e autobusit dhe një kamioni

Një aksident tragjik ka ndodhur në Rajonin Perm të Rusisë, ku një autobus pasagjerësh është përplasur me një kamion, duke shkaktuar vdekjen e gjashtë personave dhe plagosjen e 15 të tjerëve.

Ngjarja ndodhi rreth 55 kilometra larg qytetit të Permit, në një aksident që përfshiu një autobus GAZelle NEXT dhe një kamion.

Sipas një zyrtari të shërbimit të emergjencave ruse, përplasja ka ndodhur në një nga segmentet më të ngarkuara të rrugës që lidh Kostromën me Perm, përmes Kirovit. Zyrtari ka theksuar se situata ka qenë shumë e rëndë, ndërsa ekipet e reagimit janë nisur menjëherë për të ofruar ndihmën e nevojshme, shkruan euroneës.

Aktualisht, trafiku në zonë po zhvillohet ngadalë për shkak të punës së ekipeve të emergjencës, të cilët janë duke kryer veprimet përkatëse për të pastruar vendin e aksidentit dhe për të asistuar të lënduarit. Nuk dihen ende shkaqet e plota të aksidentit, ndërsa hetimet janë në vazhdim.