Aksident trafiku, 3 persona të lënduar
Dy vetura janë përfshirë në një aksident mbrëmjen e së shtunës në Fushë-Kosovë.
Lajmin e ka konfirmuar për Gazetën Online Reporteri.net, zëdhënësja e Policisë për Prishtinë, Flora Ahmeti.
Tre persona janë lënduar nga aksidenti dhe të njëjtit janë dërguar në spital për trajtim mjekësor ndërkohë që “njësiti rajonal i trafikut po merret me rastin”.
“Rreth orës 19:00, është pranuar informata për një aksident trafiku rrugor të ndodhur në rrugën Fushë Kosovë- Prishtinë. Në aksident janë përfshirë dy automjete, ku tre persona kanë pësuar lëndime trupore. Të njëjtit janë dërguar për trajtimin e nevojshëm mjekësor, ndëkohë që njësiti rajonal i trafikut po merret me rastin”, konfirmoi Flora Ahmeti.
