Gruaja raporton dhunë të vazhdueshme nga burri
Një rast i dhunës në familje është raportuar më 17.11.2025, rreth orës 07:30, në rrugën “Adem Selmani” në Prishtinë.
Sinjali merr vesh se viktima Sh. A. është paraqitur në Stacionin Policor rreth orës 09:00, ku ka raportuar dhunë të ushtruar nga bashkëshorti i saj B. A..
Sipas deklarimit të saj, i dyshuari e kishte fyer verbalisht me fjalë ofenduese dhe kishte tentuar ta godiste me grusht, ndërsa ka treguar se 5–6 ditë më parë ishte sulmuar fizikisht, duke pësuar lëndime trupore për të cilat ka marrë trajtim mjekësor.
Me udhëzim të prokurorit kujdestar të Departamentit për Dhunë në Familje, rasti është iniciuar si “Dhunë në familje”, ndërsa i dyshuari është dërguar në mbajtje për 48 orë.
Hetimet janë në vazhdim.
