Kapet me rreth 120 kilogramë narkotikë, arrestohet shoferi i autobusit në Prishtinë

I dyshuari B.K u arrestua nga Prokuroria Speciale nën dyshimin për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”.

B. K., është ndaluar në rajonin e Prishtinës, dhe në autobusin që po e drejtonte, i është gjetur dhe sekustruar një e drogës që dyshohet të jetë rreth 120 kg.

“Hetuesit nga Drejtoria për Hetimin e Trafikimit me Narkotikë së bashku me Prokurorinë Speciale, janë duke i ndërmarrë veprimet e nevojshme hetimore në përputhje me Kodin e Procedurës Penale dhe ligjet në fuqi” – thuhet në komunikatën e Sistemit Prokurorial të publikuar në rrjetin social “Facebook” më 21.11.2025

B.K., me vendim të Prokurorisë Speciale është ndaluar për 48 orë.

KALLXO.com raportoi sot ekskluzivisht se mbi 100 kilogramë lëndë narkotike e dyshuar e llojit marihuanë është gjetur në afërsi të Fushë Kosovës.

Sipas burimeve, marihuana është gjetur në një transport që po vinte nga Shqipëria në Kosovë.