Dhunë brutale ndaj gruas – E rrah me grushta e shkelma në kokë

Një rast serioz i dhunës në familje ka ndodhur më 20.11.2025 rreth orës 20:00 në rrugën “Fehmi Agani” në Pejë, ku një grua është sulmuar fizikisht nga bashkëshorti i saj.

Policia ka dalë menjëherë në vendngjarje, ku ka takuar viktimën me inicialet B.G., e cila ka deklaruar se është goditur me grushta dhe shkelma në kokë nga bashkëshorti i saj, i dyshuari F.B. Si pasojë, ajo ka pranuar trajtim mjekësor, ndërsa sipas raportit mjekësor, lëndimet janë cilësuar si të lehta.

Patrulla policore ka arrestuar të dyshuarin, i cili gjatë testimit ka rezultuar nën ndikimin e alkoolit me 0.74 promila. Për shkak të gjendjes së tij, ai nuk është intervistuar në atë moment dhe rasti i është dorëzuar hetuesve të sektorit të dhunës në familje.

Me vendim të Prokurores kujdestare të Shtetit, ndaj të dyshuarit është caktuar masa e ndalimit për 48 orë, ndërsa viktima, pas intervistimit, së bashku me fëmijët është dërguar në shtëpinë e sigurt për mbrojtje.

Rasti është iniciuar për veprat penale “Dhunë në familje” dhe “Lëndim i lehtë trupor”, ndërsa hetimet janë në vazhdim.