Ky është 36-vjeçari që u gjet pa shenja jete, dyshohet për vetëvrasje

Gazeta Sinjali mbrëmë raportoi për një ngjarje të rëndë dhe thellësisht e dhimbshme që është regjistruar në Gjakovë, ku një 36-vjeçar është gjetur pa shenja jete në rrethana që dyshohet se lidhen me vetëvrasje.

Siç mësoi Sinjali se ngjarja ka ndodhur dje rreth orës 12:00 në rrugën “Tivari”, ku Policia e Kosovës ka pranuar informatën për një person që dyshohej se ishte pa shenja jete.

Njësia policore i është përgjigjur rastit dhe, pas arritjes në vendin e ngjarjes, ka konstatuar se bëhej fjalë për 36 vjeçarin, i cili ishte gjetur në një objekt përcjellës të shtëpisë, i varur në litar.

Sinjali mëson se bëhet fjalë për Shkumbin Morinën.

Në vendin e ngjarjes ka arritur edhe ekipi mjekësor, i cili ka konstatuar vdekjen e viktimës, ndërsa rastit i janë përgjigjur Njësia e Hetimeve e Stacionit Policor dhe Hetimet Rajonale, të cilat kanë kryer ekzaminimin e vendit të ngjarjes.

Rasti është iniciuar si “Hetim i vdekjes”dhe hetimet janë në vazhdim.