E rëndë: Ky është 32 vjeçari që u nxor i vdekur nga uji

Sot, u gjet trupi i pajetë i personit që ishte raportuar i zhdukur ditën e djeshme në Gjilan. Ekipet e Forcës së Sigurisë së Kosovës (FSK) e gjetën trupin e 32-vjeçarit në liqenin e Livoçit.

I ndjeri është identifikuar si Xhezair Hafizi.

Lajmin e ka konfirmuar për Sinjalin zëdhënësi i Policisë për rajonin e Gjilanit, Valon Osmani. Ai njoftoi se trupin e pajetë e gjetën rreth orës 12:45, gjatë kërkimeve intensive në pendën e fshatit Livoq.

“Sot, më datë 28.11.2025, gjatë vazhdimit të kërkimeve, ekipet e specializuara të zhytësve të FSK-së arritën të gjejnë trupin e pajetë të personit të zhdukur më 27.11.2025. Vdekjen e tij në vendin e ngjarjes e ka konstatuar ekipi mjekësor,” tha Osmani.