Shaqiri flet për Kosovën

Ylli i futbollit, Xherdan Shaqiri, ka folur me fjalë të mëdha për Kombëtaren e Kosovës, duke theksuar progresin e vazhdueshëm të “Dardanëve”.

Shaqiri tha se çdo vit po vërehet një rritje e interesimit të lojtarëve për të përfaqësuar Kosovën, gjë që po ndikon drejtpërdrejt në cilësinë e ekipit kombëtar.

“Në Kosovë po shihen gjithnjë e më shumë lojtarë që duan të luajnë për ekipin kombëtar, prandaj po përmirësohen dhe po ia dalin. Tani janë skuadër me futbollistë që luajnë në liga të forta”, deklaroi ai.

Sipas Shaqirit, prania e futbollistëve të rinj dhe cilësorë e bën Kosovën një ekip gjithnjë e më konkurrues në arenën ndërkombëtare.

Këto deklarata kanë marrë vëmendje të madhe në rrjete sociale, teksa tifozët i kanë mirëpritur fjalët e tij si një motivim shtesë për të ardhmen e Kombëtares.