Ndërron jetë në moshë të re futbollisti shqiptar

Ka ndërruar jetë Silvio Dumani, futbollisti shqiptar.

Lajmi është publikuar nga Presidenti i FSHF-së, Armando Duka.

Më poshtë postimi:

Me trishtim të madh dhe zemër të rënduar mora lajmin e ndarjes nga jeta të futbollistit të ri të klubit AF Elbasani, Silvio Dumani.

Të shuhet kaq herët një jetë plot ëndrra, forcë dhe pasion, është një plagë e thellë për familjen e tij, për komunitetin sportiv dhe për çdo njeri që e ka vlerësuar talentin dhe karakterin e tij. Silvio ishte një djalë i jashtëzakonshëm, i talentuar, punëtor dhe tërësisht i përkushtuar ndaj futbollit që e donte aq shumë.

Në këtë moment të dhimbshëm, shpreh ngushëllimet më të sinqerta për familjarët, të afërmit, shokët e skuadrës dhe klubin.
Kujtimi i tij do të mbetet përgjithmonë i paharruar.