Analisti i njohur politik i bashkohet AAK-së

Aderimet po vazhdojnë në partitë politike në prag të zgjedhjeve të dhjetorit.

Analisti i njohur politik, Burim Ramadani, i është bashkuar listës së Aleancës për Ardhmërinë e Kosovës.

Më poshtë postimi i Ramush Haradinajt:

Burim Ramadani është mendje e kthjellët që punon për sigurinë e shtetit.

Është ndër njerëzit më të përgjegjshëm dhe profesionistët më të përgatitur që unë njoh. Besnikëria ndaj shtetit, integriteti i tij, përvoja dhe aftësitë e bëjnë një vlerë të veçantë për Kosovën.

E mbështes plotësisht kandidimin e tij për deputet, sepse besoj që zëri dhe veprimi i tij racional, kritik dhe i matur do t’i shërbejë shtetit.

Kosova ka nevojë për të.
Ne kemi nevojë për të.

Jam i lumtur që pranoi kërkesën tonë që të kandidojë për deputet dhe shpresoj se do të jemi bashkë në Parlament.