Ky është shqiptari që u kap me 295 mijë euro cash në kufi

Një person është ndaluar dje në pikën kufitare në Han të Elezit me 295 mijë euro para kesh, të padeklaruara.

Burime të Indeksonline bëjnë të ditur se personi me afro 300 mijë euro është Synim Fazliu nga Presheva.

Gjatë kontrolleve të rregullta në pikëkalimin kufitar në Han të Elezit, zyrtarët doganorë kanë ndalur një automjet për verifikim të detajuar në vijë të dytë, pasi drejtuesi Fazliu kishte deklaruar se nuk posedonte asgjë për deklarim.

Gjatë kontrollit të automjetit, janë zbuluar dhe sekuestruar një shumë prej 295,270 euro, e cila ishte e padeklaruar dhe e fshehur brenda veturës.

Shuma e parave është konfiskuar në përputhje me procedurat ligjore, ndërsa rasti është referuar për hetime të mëtejshme./Indeksonline/