Ky është polici që humbi jetën sot në aksident

Ismet Isufi është zyrtari policor që u gjet i vdekur sot në Prishtinë. Ai u gjet i vdekur në veturën e tij, pasi e njëjta ishte aksidentuar.

Sipas Policisë, zyrtari policor, ka vdekur para se të bëjë aksident, nga një sulm në zemër.

“Sot rreth orës 06:30 në rrugën Zagrebi në Prishtinë, ka ndodhur një aksident trafiku, ku ka qenë e përfshirë një veturë”.

“Njësitet policore dhe emergjenca kanë dalë menjëherë në vendin e ngjarjes, ku nga këta të fundit është konstatuar vdekja e viktimës (zyrtar policor), që dyshohet të ketë ndodhë para aksidentit. Me rastin është duke u marrë Njësia Rajonale e Trafikut, ndërsa hetimet janë në zhvillim për të sqaruar shkaqet e sakta të aksidentit”.