LAJMI I FUNDIT: Shqiptari digjet brenda veturës

Një automjet ka shpërthyer në flakë në Llogara, në një ngjarje që ka ndodhur në “Qafën e Llogarasë”.

Policia ka njoftuar se si pasojë e zjarrit, ka humbur jetën drejtuesi i mjetit, identiteti i të cilit ende nuk është bërë i njohur.

Në njoftimin e policisë, thuhet se hetimet për zbardhjen e ngjarjes janë duke vijuar.

Automjeti ka pësuar dëme të mëdha dhe është shkrumbuar plotësisht bashkë me personin që ndodhej brenda. Identifikimi i viktimës është shumë i vështirë, pasi edhe targat e mjetit janë djegur plotësisht, duke e bërë të pamundur përcaktimin e pronësisë.