E dhimbshme: Ky është 32 vjeçari shqiptar që dogji veten në veturë
Të tjera detaje tronditëse janë zbuluar nga vdekja e ish-efektivit Artjon Xhelo, i cili u gjet i djegur ditën e djeshme, brenda një makine në Qafën e Llogarasë.
Burime për mediat bëjnë me dije se Xhelo ishte efektiv i Forcave Operacionale “Shqiponjat” dhe në vitin 2023 kishte shfaqur probleme psikologjike, ndaj ishte transferuar në Postën e Policisë Poliçan.
Aty raportohet se Xhelos i humbi arma e shërbimit dhe DVP Berat i dha një masë disiplinore dhe e përjashtoi nga radhët e Policisë së Shtetit.
Sipas burimeve, ish-efektivi kishte probleme të theksuara të depresionit dhe psikologjike. Ai u gjet i djegur brenda makinës së tij, tip BMW, rreth orës 14:35 në Qafën e Llogarasë. Rasti është ende nën hetim nga policia, ndërkohë paraprakisht dyshohet se 32-vjeçari dogji veten me benzinë brenda mjetit.
Shkak dyshohet të ketë qenë fakti se nuk kishte mundur të gjente një punë, dhe në bisedën e fundit me familjarët ai kishte thënë se nuk do të kthehej në shtëpi nëse nuk do të gjente punë atë ditë.
