Kryetari i Podujevës viziton Burgun e Sigurisë së Lartë
Kryetari i Podujevës, Shpejtim Bulliqi sot gjatë ditës ka vizituar Burgun e Sigurisë së Lartë.
Lajmin e ka bërë të ditur vetë Shpejtim Bulliqi me anë të një postimi në rrjetin social facebook. Ky është postimi i tij:
Sot vizitova burgun e Sigurisë së Lartë në fshatin Gërdoc ku zhvillova takim me zëvëndës drejtorin e burgut Idrizi Shabani dhe bashkëpunëtorët e tjerë. Burgu i Sigurisë së Lartë ka një kapacitet prej 390 të burgosur, i përbërë nga tre pavijonë, njëra prej tyre qendër e paraburgimit.
Zv. Drejtori Shabani gjatë takimit më njoftoi për kushtet e përgjithshme të burgut, aktivitetet dhe nevojat specifike që kanë për t’i përkrahur ne si institucione.
Ndër kërkesat themelore të tyre ishin kompletimi i infrastrukturës rrugore e cila është e parapame që në vitin tjetër të realizohet, furnizimi me material të lëndës së parë për zhvillimin e aktiviteteve të tyre, ata paraqitën edhe kërkesa të tjera të cilat në koordinim me drejtoritë përkatëse do të angazhohemi t’i realizojmë.
U zotova se do të jem gjithmonë në dispozicion për nevojat e këtij institucioni me të gjitha kapacitetet e mundësitë tona komunale për të lehtësuar punën e tyre.
