Kryetari Bulliqi merr vendim të rëndësishëm për mjetet piroteknike

Me urdhëresë të Kryetarit të Komunës së Podujevës, Shpejtim Bulliqi, është ndaluar përdorimi i mjeteve piroteknike dhe eksplozive në të gjitha sheshet, rrugët, tregjet dhe hapësirat e tjera publike në territorin e komunës së Podujevës.

Sipas njoftimit zyrtar, kjo ndalesë do të jetë në fuqi nga data 22 dhjetor 2025 deri më 03 janar 2026, me qëllim të garantimit të sigurisë publike dhe parandalimit të incidenteve gjatë festave të fundvitit.

Autoritetet komunale u bëjnë thirrje qytetarëve që ta respektojnë këtë vendim, duke theksuar se mosrespektimi i urdhëresës do të sanksionohet sipas legjislacionit në fuqi.

Komuna apelon për bashkëpunim dhe mirëkuptim nga qytetarët, në mënyrë që festat të kalojnë pa incidente dhe në ambient të sigurt për të gjithë.