Të shtëna me armë në një Xhami shqiptare në Austri
Disa të shtëna me armë zjarri janë dëgjuar në një xhami në Hollabrunn të Austrisë. Nga këto të shtëna pësuan edhe zyrat e partisë së Gjelbër.
Siç raportojnë mediat austriake, zëdhënësi i policisë, Johann Baumschlager ka deklaruar se janë duke zhvilluar hetimet për të gjetur autorët.
Të shtënat në xhami ka të ngjarë të jenë qëlluar rreth mesnatës.
Në anën tjetër, edhe Zyra Shtetërore për Mbrojtjen e Shtetit dhe Luftimin e Ekstremizmit ka nisur hetimet. Në veçanti, shqyrtohet nëse ka një sfond fetar apo politik për incidentet.
Për këtë rast, ka reaguar edhe komuniteti fetar shqiptar.
“Komuniteti mysliman shqiptar në Austri e dënon ashpër këtë akt dhune kundër një institucioni fetar”, thuhet në Facebook.
