Qytetarja gjen 470 euro në tokë dhe i dorëzon menjëherë në polici

Të hënën, rreth orës 18:00, qytetarja M. Thaqi (45 vjeçe) nga Ferizaj ka gjetur në tokë një shumë prej 470 euro në parkingun e një qendre tregtare në qytet. Paratë i janë dorëzuar menjëherë Policisë.

“Fillimisht, nuk dihej se kujt i përkisnin paratë. Po atë ditë, rreth orës 20:30, në stacionin policor është paraqitur ankuesja D. F. nga Kaçaniku, e cila ka raportuar humbjen e një shume parash”, njoftoi Policia.

Pas verifikimeve të nevojshme, u konstatua se bëhej fjalë për të njëjtën shumë parash. Paratë i janë kthyer pronarit legjitim më datë 23.12.2025.

Drejtoria Rajonale e Policisë në Ferizaj ka falënderuar qytetaren M. Thaqi për gjestin e saj “human dhe shembullor, e cila dëshmon nivel të lartë përgjegjësie qytetare dhe bashkëpunim të ngushtë me policinë”.