E rëndë: Dhunohet sek;sualisht një vajzë në Podujevë

Një rast i rëndë dhunimi ndaj një të miture është zbardhur nga Policia në Podujevë, ku një person nga një fshat i kësaj komune është arrestuar si i dyshuar.

Sipas të dhënave zyrtare, viktima rreth 16-vjeçare është intervistuar në prani të Njësisë për Hetimin e Krimeve, NJHP-së dhe zyrtares së Qendrës për Punë Sociale, ku ka deklaruar se është dhunuar seksualisht nga i dyshuari në disa periudha kohore ndër vite.

Pas veprimeve hetimore, Policia ka arrestuar të dyshuarin, i cili është intervistuar në prani të avokatit mbrojtës.

Me urdhër të Prokurorit për të Mitur, ndaj tij është caktuar masa e ndalimit për 48 orë, nën dyshimin për kryerjen e veprës penale “Dhunim”.

Rasti pritet të trajtohet më tej nga Njësia për Hetimin e Krimeve ndaj të Miturve, ndërsa hetimet janë në vazhdim.