Gruaja e vdekur në garazh e burri në shtëpi, tronditet Shqipëria

Në foton që shikoni më sipër dhe tjetrën më poshtë janë çifti i bashkëshortëve Sose Xhebroj dhe Llogora Xhebroj që humbën jetën në rrethana tragjike dje në Orikum.

Sipas të dhënave të para, burri vrau fiillimisht gruan e më pas i dha fund jetës me armë zjarri në garazh. Ata ishin prindër të dy fëmijëve.

Çfarë ndodhi në qytetin jugor bregdetar

Ngjarja ndodhi mesditën e djeshme në Orikum. Rreth orës 13:30, urgjenca mjekësore ka njoftuar Policinë se një grua është gjetur pa shenja jete në banesën e saj, me shenja dhune.

Nga veprimet e para hetimore dyshohet se viktima, Sose Xhebroi, 40 vjeçe, është vrarë nga bashkëshorti i saj, Llogora Xhebroi, 50 vjeç.

Pas marrjes së njoftimit, shërbimet e Policisë kanë ushtruar kontrolle në zonën përreth banesës, ku në ambientet e një garazhi është gjetur i pajetë edhe Llogor Xhebroi.

Sipas hetimeve të para dyshohet se i ka dhënë fund jetës me armë zjarri në garazhin e makinës.

Pranë trupit të të ndjerit është konstatuar një armë zjarri pistoletë tip Glock dhe një gëzhojë kalibër 9 mm.

Hetimi sugjeron se gruaja ka gjetur vdekjen si pasojë e dhunës dhe mbytjes nga bashkëshorti i saj, i cili më pas dyshohet se ka vrarë veten me armë zjarri.

Grupi hetimor, nën drejtimin e Prokurorisë, vijon punën për dokumentimin e plotë të rrethanave dhe për zbardhjen e plotë të kësaj ngjarjeje të rëndë kriminale.

Në hetimet e para rezulton se çifti ishte në proces ndarjeje prej pak muajsh.

Orikum/Informacion paraprak

Sot, rreth orës 13:30, është marrë njoftim nga urgjenca mjekësore se një shtetase, në Orikum, është gjetur pa shenja jete dhe me shenja dhune në banesë. Nga veprimet e para hetimore dyshohet se shtetasja S. Xh., 40 vjeçe, është vrarë nga bashkëshorti i saj, shtetasi Ll. Xh., 50 vjeç.

Pas kontrolleve të ushtruara nga shërbimet e Policisë në zonën përreth kësaj banese, në garazh është gjetur dyshohet i vetëvrarë me armë zjarri autori i kësaj ngjarjeje, shtetasi Ll. Xh.

Arma pistoletë e gjetur në vendngjarje u sekuestrua në cilësinë e provës materiale.

Grupi hetimor, nën drejtimin e Prokurorisë, vijon punën për dokumentimin e plotë të rrethanave të kësaj ngjarjeje.