Frizerët paralajmërojnë se do ta rrisin çmimin

Trendin e rritjes së çmimeve, siç duket, do ta ndjekin edhe berberët dhe frizerët.

Kohëve të fundit, në disa komuna të vendit ishte vërejtur shtrenjtim i çmimeve nga berberët dhe frizerët.

Ky ndryshim i çmimeve pritet të vijë si pasojë e rritjes së kostove, e cila ka filluar në vitin 2026.

Siç dihet, uji tashmë do të paguhet më shtrenjtë, ndërsa është paralajmëruar rritje edhe e çmimit të energjisë elektrike dhe tatimeve. Të gjitha këto janë të domosdoshme për funksionimin e një lokali frizerie dhe do t’i detyrojnë pronarët të rrisin çmimin e qethjes.

Rritja e çmimeve tashmë është shndërruar në trend dhe kjo zakonisht ndodh kur ka lëvizje të çmimit të rrymës apo naftës, por tani kësaj i është shtuar edhe rritja e çmimit të ujit dhe tatimeve. / Jepi zë