E mitura rrahet nga partneri, konfliki filloi pasi ai ia kërkoi telefonin

Një rast i dhunës në familje me elemente të lëndimit të lehtë trupor është raportuar pasditen e së premtes në Mitrovicë të Jugut, ku viktimë ka mbetur një e mitur.

Ngjarja ka ndodhur më 02.01.2026 rreth orës 16:00, në rrugën “Fadil Deliqi”, ku ankuesja O.M. (e mitur) ka deklaruar se pas një mosmarrëveshjeje verbale me partnerin e saj, me të cilin bashkëjeton, situata ka eskaluar në dhunë fizike.

Sipas deklarimit të viktimës, i dyshuari M. H fillimisht ia ka marrë telefonin me forcë, ndërsa më pas e ka shtyrë dhe e ka rrëzuar në tokë, me ç’rast ajo ka pësuar lëndime në gjurin e këmbës së djathtë. Viktima ka pranuar trajtim mjekësor.

Rasti është trajtuar nga njësitë përkatëse policore, ndërsa për të është njoftuar Qendra për Punë Sociale (QPS) dhe Prokurori Kujdestar. Pas intervistimit, me rekomandim të prokurorit, i dyshuari është liruar në procedurë të rregullt, pasi nuk rezulton të jetë recidivist.

Rasti është iniciuar si “Dhuna në familje & Lëndim i lehtë trupor” dhe mbetet nën hetime.